旅遊攻略 - 台北 (美食篇)
去旅行搵食，食名氣因為係好多人既搵食哲學。曾經被CNN評為世界十大甜品之一，呢個名，夠照未先？
前身叫永康冰館，經歷一堆大台劇集咁既劇情之後，終於黎到今日既呢個身份 - Ice Monster。餐廳主打綿花冰，不過可以有幾特別？佢就話你知，真係可以好特別！招牌菜，超級芒果冰，台灣芒果舉世聞名，而且冰上芒果多到嚇死你，配合香甜既芒果醬，軟綿綿既綿花冰，其實無咩失敗既理由。不過始終芒果質素會受季節性影響，邊個可以保證次次都係咁無敵先？
唔想千里迢迢冒險，咪試下地道穩陣之選！珍珠奶茶綿花冰，有齊地理位置文化背景優勢，應該無得輸既！珍珠同綿花冰分開上，加幾多珍珠隨你喜歡。綿花冰主體茶香奶滑，珍珠奶茶味係香咖，又唔會太甜！
份量夠哂大，打完邊爐黎清下熱就最岩！大約TWD150-200一份，性價比高咖！不過留意餐廳係有人頭TWD120既最低消費咖！
Ice Monster
台北忠孝東路四段297號
Search